በዝርወት ከምትገኛው ርእስ አድባራት ደብረ ሰላም ቅድስት ማርያም
ቤተክርስቲያን ዋሽንግተን ዲሲ

በስመ አብ  ወወልድ  ወመንፈስ  ቅዱስ
አሐዱ አምላክ አሜን።

 

በዝርወት ላላችሁ ማኅበረ ምዕመናን እንደምን ሰነበታችሁ?

 

አድራሻ፦ ዘወትር እሁድ
06:00 AM -10:00AM

7900 Eastern Avenue,
NW Washington DC,20012



 
ስለሁሉም ነገር እግዚአብሔር
የተመሰገነ ይሁን።

“በአንድ ሥፍራ ሲያሳድዷችሁ ወደ ሌላ ሽሹ”
ማቴ 10፦22 -23፤


 

 
 
 
 

 

..........................................

Court Case....

 

ጤናይስጥልኝ የክርስቶስ ቤተሰብ፣
የእመቤታችን የቅድስት ድንግል ማርያም የአሥራት ልጅ፣

ለሚመጣው እሑድ መስከረም ፲፬ ቀን ፪ሺህ፲ ዓ.ም. (Sunday, September 24, 2017)
እንዲዘመሩ የተመረጡት መንፈሳዊ መዝሙሮች በዚህ መልዕክት አባሪነት ተልከዋል።

፩ኛ)    በበጎ ፈቃዱ

፪ኛ)    ሰባቱ የእሳት መጋረጃዎቹ

ወስብሐት ለእግዚአብሔር

፩ኛ) በበጎ ፈቃዱ
 
በበጎ ፈቃዱ፣ ሁሉ በእርሱ ሆነ
በበጎ ፈቃዱ፣ ሁሉ በእርሱ ሆነ
ነገር ሁሉ በእርሱ፣ ተከናወነ
ነገር ሁሉ በእርሱ፣ ተከናወነ
 
ሰማይና ምድር፣ ክብሩን ተናገሩ
ፈጥሯቸዋልና፣ እንዲገለጽ ክብሩ
በፈጠረው ፍጥረት፣ የሚታወቅ እርሱ
እግዚአብሔር ይመስገን፣ ክብሩን አወድሱ
 
አዝማች
 
አልሆነም ያለእርሱ፣ ፍጹም አንዳች ነገር
ብንመረምረው፣ በሰማይ፣ በምድር
ፈቃዱ ነውና፣ መልካምና በጎ
ፈጥሮ አሳይቶናል ሁሉን ውብ አድርጎ፤
አዝማች
ክረምትና በጋ፣ ሌሊትና ቀን
ሁሉን አሳይቶ፣ ጌታ አስተማረን
ያደረገው ሁሉ፣ እንከን የሌለው
ለዚህ ፍጹም አምላክ፣ ምሣሌም የለው
አዝማች
ያዘነውን ያውቃል፣ ደስም ያለውን
ሁሉ በእርሱ ፈቃድ፣ ስለሚከወን
ችግርና ደስታ፣ ለበጎ ነውና
ይህን ያስተማረን፣ ይድረሰው ምሥጋና
አዝማች
 
አልሆነም ያለእርሱ፣ ፍጹም አንዳች ነገር
ብንመረምረው፣ በሰማይ፣ በምድር
ፈቃዱ ነውና፣ መልካምና በጎ
ፈጥሮ አሳይቶናል፣ ሁሉን ውብ አድርጎ
አዝማች /2 ጊዜ/
(የዜማው ምንጭ፦https://www.youtube.com/watch?v=WV8O-0kfNLI)
፪ኛ) ሰባቱ የእሳት መጋረጃዎቹ
 
ሰባቱ የእሳት መጋረጃዎቹ
በማኅጸንሽ ሳለ ወዴት ተዘጋጁ
ይህ ሚስጢር ድንቅ ነው ይረቃል ይሰፋል
አየን ሲዋሃዱ እሳት ከሐመልማል
ሰባቱ የእሳት መጋረጃዎቹ
በማኅጸንሽ ሳለ ወዴት ተዘጋጁ
ይህ ሚስጢር ድንቅ ነው ይረቃል ይሰፋል
አየን ሲዋሃዱ እሳት ከሐመልማል
ሙሤ ያየሽ ቅጠል በሲና ተራራ
በቅዱስ ገብርኤል ብሥራትሽ ተወራ
እሳቱ ቅጠሉን ባይበላው ደነቀን
የሲናው ሲገርመን በናዝሬት ደገመን
 
አዝማች
ወዴት ተቀመጠ ፍሙ በማኅጸንሽ
ከኅሊና በላይ ነው ድንግል እንጠይቅሽ
የምድሪቱ ሰማይ የእግዚአብሔር ዙፋኑ
በማኅጸንሽ ያለው እሳት ነው ሕፃኑ
አዝማች
 
ስሙ የሚያስገመግም ልጅሽ የሚፈራ
ላመኑት የሚያድን በጽድቅ የሚያበራ
የኢየሱስ ክርስቶስ የፀሐዩ መውጫ
የወርቅ ማዕጠንት የፍም ማስቀመጫ
 
አዝማች
 
መላእክት ሊነኩት የማይችሉት እሳት
ታናሿ ሙሽራ እንደምን ተቻላት
ብለን ጠየቅናቸው ሊቃውንቱን ሁሉ
ሚስጢሩ ረቂቅ ነው አናውቀውም አሉ
አዝማች /2 ጊዜ/
 
(የዜማው ምንጭ፦https://www.youtube.com/watch?v=cj051
PxP9Ps&app=desktop)

ማኅተም

የማኅተም ጋዜጣችን እትም (ቅፅ ፪፣ ቁጥር ፵፩)።

 
--------------------------------------------------------------------------------------------------------------------------